摘要:聽日半年結,檢討半年得失,最大得著係學識唔可以低估癲左既市場,可以有幾癲,可以一個月跌5千點,可以負油價。
尋晚岀post話個市唔對路,結果今日期仔開市頭15分鐘升上去,係谷同大家講唔好追好倉,我甚至話開淡倉,博大插。
最後跌就唔算跌好多既,收市現貨同期指都係跌2百幾點。Blue chips靠700、388、939無咁難睇,其他普跌。9988連續2日gap down,981、2318都穿頭破腳。加上今日成交唔細,over 1300億,實在有走鬼既可能,所以對後市應小心謹慎,無開淡倉賺唔到錢唔緊要,無開好倉唔豬錢就好。
指數叫做連續橫行3個月了,咁7月會點行呢?會唔會爆邊呢?唔知。
順住個市做,比預早太多估更好。君不見某財演手指倉坐左2個月7500,結果係最高位斬了,今日期仔又落返24000附近,眾多忠實fans無不一殼眼淚。唯有對住個市謙卑,唔好懶醒。
不過,如果你問我,長遠我都係睇好股市。如果個市大跌落去,我會好開心,到時我會大手建好倉。
聽日半年結,檢討半年得失,最大得著係學識唔可以低估癲左既市場,可以有幾癲,可以一個月跌5千點,可以負油價。
免責聲明:
本文觀點僅代表作者個人觀點,不構成本平台的投資建議,本平台不對文章信息準確性、完整性和及時性作出任何保證,亦不對因使用或信賴文章信息引發的任何損失承擔責任