دۆلار قەرەبوی زیانەکانی دەکاتەوە؛ بەرزبونەوەیەکی نوێ تۆمار ده‌كات

ئەمڕۆ سێشەممە به‌های دۆلار قه‌ره‌بونی بەشێک لە زیانەکانی كرده‌وه‌، دوای ئەوەی گەورەترین دابەزینی رۆژانەی لە دوای 13ی (تەمموز/7)ی رابردوەوە تۆمارکرد، لە کاتێکدا پاوەندی بریتانی لە پاشخانی داتا تێکەڵەکانی بازاڕی کاردا دابەزی، به‌های یه‌نی ژاپۆنیش گەورەترین بەرزبونەوەی بەخۆیەوە بینی لە ناوەڕاستی مانگی تەمموزەوە.

کازۆ ئوێدا، پارێزگاری بانکی ژاپۆن لە سەرەتای ئەم هەفتەیەدا لە چاوپێکەوتنێکی رۆژنامەوانیدا رایگەیاند، رەنگە بانکی ناوه‌ندی ژاپۆن تا کۆتایی ئەمساڵ داتای پێویست بەدەستبهێنێت بۆ ئەوەی بزانێت ئایا دەتوانێت کۆتایی بە رێژەی سودی نەرێنی بهێنێت یان نا.

ئەو لێدوانانە بوەهۆی ئەوەی کە نرخی یه‌ن لە 12ی تەمموزەوە گەورەترین بەرزبونەوەی ڕۆژانەی بەرامبەر بە دۆلار بەدەستبهێنێت.

نرخی دراوی ژاپۆنی بە ڕێژەی 0.14% دابەزی و گەیشتە 146 دۆلار و 80 سەنت

نرخی دراوی ژاپۆنی بە ڕێژەی 0.14% دابەزی و گەیشتە 146 دۆلار و 80 سەنت، دوای ئەوەی لە وەرزی رابردودا بۆ بەرزترین ئاستی لە ماوەی هەفتەیەکدا بەرزبوەوە و گه‌یشتبوه‌ 145.91 دۆلار بو.

بەهای دۆلار بەشێک لەو زیانانەی لە وەرزی پێشودا کردبوی قه‌ره‌بو كرده‌وه‌

بەهای دۆلار بەشێک لەو زیانانەی لە وەرزی پێشودا کردبوی قه‌ره‌بو كرده‌وه‌، هاوکات نرخی یۆرۆ بەڕێژەی 0.3% دابەزی و 100 یۆرۆ گەیشتە 107.18 دۆلار، دوای ئەوەی گەیشتە بەرزترین ئاستی لە ماوەی هەفتەیەکدا.

نرخی پاوەندی بریتانی بەڕێژەی 0.30% بەرامبەر دۆلار دابەزی و 100 پاوه‌ند گه‌یشته‌ 124.66 دۆلار، هەروەها گۆڕانکارییەکی کەم بەرامبەر بە یۆرۆ ڕویدا.

بانكی ناوەندی عێراق ئەمڕۆ سێشه‌ممه‌ زیاتر له‌ 200 ملیۆن دۆلاری خستنەبازاڕەوە و به‌راورد به‌رۆژانی رابردو رێژه‌ی كاشی بۆ دو هێنده‌ زیادكرد، بەهای دۆلاریش بەرامبەر بەدینار لەبازاڕەكانی ئاڵوگۆڕی دراو گۆڕانكاری بەسەرهات.

ئەمڕۆ دوشه‌ممه‌ بانكی ناوەندی عێراق رێژەی خستنەڕوی راگەیاند كە 201 ملیۆن و 395 هەزار و 261 دۆلاری خستۆتەبازاڕەوە، كە 64 ملیۆن و 170 هەزار دۆلار دۆلاری بەشێوەی كاش 137 ملیۆن و 225 هەزار و 261 دۆلار دۆلاریشی بەشێوەی حەواڵەیە.

بەهای 100 دۆلار بەرامبەرە بە 155 هەزار و 800 دینار

بەگوێرەی ئەو زانیاریانەی لەبازاڕی دۆلارەكەی سلێمانیەوە بە خەندان دراون، بەیانی ئەمڕۆ لەكاتی كردنەوەی بازاڕەكانی ئاڵوگۆڕی دراو بەهای 100 دۆلار بەرامبەر بو بە 156 هەزار و 600 دینار، بەڵام لەئێستادا بەهاكەی دابەزیوە و بەجۆرێك بەهای 100 دۆلار بەرامبەرە بە 155 هه‌زار و 800 دینار.

ئێوارەی دوێنێ لەكاتی داخستنی بازاڕەكانی ئاڵوگۆڕی دراو بەهای 100 دۆلار بەرامبەر بو بە 156 هەزار و 750 دینار.

دوێنێ دوشه‌ممه‌ بانكی ناوەندی عێراق رێژەی خستنەڕوی راگەیاند كە 196 ملیۆن و 589 هەزار و 136 دۆلاری خستەبازاڕەوە، كە 27 ملیۆن و 460 هەزار دۆلار دۆلاری بەشێوەی كاش و بڕی 169 ملیۆن و 129 هەزار و 136 دۆلار دۆلاریشی بەشێوەی حەواڵە بو.

رۆژی یه‌كشه‌ممه‌ی رابردو، بانكی ناوه‌ندی عێراق رێژه‌ی خستنه‌ڕوی راگه‌یاند كه‌ 197 ملیۆن و 331 هه‌زار و 889 دۆلاری خستۆته‌بازاڕه‌وه‌، كه‌ 26 ملیۆن و 740 هه‌زار دۆلار دۆلاری به‌شێوه‌ی كاش 170 ملیۆن و 591 هه‌زار و 889 دۆلار دۆلاریشی به‌شێوه‌ی حه‌واڵه‌ بو.