بانكی ناوەندی رێژەی خستنەڕوی دۆلاری راگەیاند و گۆڕانكاری رویدا

" />بانکی ناوەندی عێراق ئەمڕۆ سێشەممە زیاتر لە 230 ملیۆن دۆلاری خستنەبازاڕەوە و بەهای دۆلاریش بەرامبەر بەدینار لەبازاڕەکانی ئاڵوگۆڕی دراو گۆڕانكاری بەسەرهات.

ئەمڕۆ سێشەممە بانکی ناوەندی عێراق رێژەی خستنەڕوی راگەیاند کە 230 ملیۆن و 537 هەزار و 504 دۆلاری خستۆتەبازاڕەوە، کە 31 ملیۆن و 860 هەزار دۆلاری بەشێوەی کاش و 180 ملیۆن و 677 هەزار و 504 دۆلاریشی بەشێوەی حەواڵەیە.

بەهای 100 دۆلار بەرامبەرە بە 148 هەزار و 300 دینار

بەگوێرەی ئەو زانیاریانەی لەبازاڕی دۆلارەکەی سلێمانیەوە بە خەندان دراون، بەیانی ئەمڕۆ لەکاتی کردنەوەی بازاڕەکانی ئاڵوگۆڕی دراو بەهای 100 دۆلار بەرامبەر بو بە 148 هەزار دینار، بەڵام لەئێستادا بەهاکەی بەرزبۆتەوە و بەجۆرێک بەهای 100 دۆلار بەرامبەرە بە 148 هەزار و 300 دینار.

ئێوارەی دوێنێ لەکاتی داخستنی بازاڕەکانی ئاڵوگۆڕی دراو بەهای 100 دۆلار بەرامبەر بو بە 148 هەزار و 100 دینار.